Díli, 10 Abril 2026 – Ajensia Zeus Travel, liu husi Administrasaun Finance, Carlita Gusmão Saldanha hatete, entrega hela apoiu Osan ho montante ne’ebé ekipa submete $.150 maibe Ajensia Zeus Travel aumenta $.50 nune’e osan ho montante $.200 ba ekipa Futsal Feto Sta. Imaculada
“Primeiru hanesan Administrasaun no Finance ne’ebé hetan orientasaun husi Owner Agency Zeus Travel, hakarak fo apoiu no suporta Feto maluk ne’ebé mak iha potensial iha area desportiva ho montante osan $.200, sira nia proposta ne’ebé submete mai husu $.150 maibe Ajensia Zeus Travel fo apoiu ho fali dolar atus rua” Dehan adminiatrasaun Finance Ajensia Zeus Travel, Carlita Gusmão Saldanha iha edifisiu Zeus Travel kintal boot
Reprezentante Ekipa Futsal Feto FC.Sta.Imaculada, Livania Ximenes, hatete fiar ho apoiu Ajensia Zeus Travel ba FC. Sta. Imaculada Ajensia Zeus Travel bele buras tan iha Nasaun no komunidade nia oin
“Maun sira apoiu duni ami, agora dadaun Maun sira fo osan ba ami, fiar Ajensia Zeus Travel bele buras liu tan iha Nasaun ka Komunidade nia oin, liu husi maun sira nia apoiu ba Jogu Amizade no halo amizade diak liu tan iha Futuru oin mai” nia dehan
Nia Afirma tan, reprezentante Futsal Feto FC.Sta.Imaculada fo agradesimentu ba apoiu ne’ebé Ajensia Zeus Travel apoiu hodi kompete iha Jogu THS-THM BALIDE CUP
“Agradese ba Ajensia Zeus Travel, Apoiu osan dolar atus rua $200 ba ami apoiu osan ne’e refere ba Camisola ho folin $10 kada ema ida ho tanjaket no meias” nia hakotu
Atu rekorda fali katak Ajensia Zeus Travel hanesan Ajensia ida ne’ebé fasilita Joven sira ne’ebé hakarak halo Viajem ba Portugal ho siatema Turista, no antes ne’e Zeus Travel sempre fo apoiu joven sira nia atividade sira bazeia ba Proposta ne’ebé sira submete
Jornalista : Mateus F. de Deus
Fontes : https://zeusnews.tl/ajensia-zeus-travel-apoiu-osan-200-ba-ekipa-futsal-feto-fc-sta-imaculada/
