Dili 22 Maio 2026 – Agensia Zeus Travel reprezenta husi Administrasaun no Finance Josefina de Oliveira Martins akompaña husi staff, halo asaun karidade, hodi fo apoiu aihan nesesidade bazika hanesan Fos Mina no seluk tan, ba Inan Faluk Orlanda da Crus ne’ebé simu ho Matan wen iha Suku Hera, Aldeia Halidolar, Postu Administrativu Cristu Rei, Munisipiu Dili
Inan Faluk Orlanda Da Cruz hatete, agradese tebes Agensia Zeus Travel ne’ebé tulun ona, no konsidera apoiu ne’e hanesan Maromak nia tulun ida liu husi Agensia Zeus Travel
“Hau husu obrigado ba hau nia oan sira no hau nia maun sira husi Agensia Zeus Travel, ne’e hanesan Maromak ajuda hau, maromak hatudu dalan, hau nia oan sira fo ba hau” dehan Inan Faluk Oralanda da Crus iha Suku Hera Aldeia Hali Dolar
Iha fatin hanesan Reprezentante Agensia Zeus Travel, Josefina de Oliveira Martins afirma, fo korajem ba Inan Faluk Orlanda Da Crus atu forsa nafatin hodi hasoru moris, no fiar katak husi apoiu uitoan ne’ebé Agensia Zeus Travel fó ne’e bele tulun Inan Faluk ne’e hodi moris ho hakmatek no ksolok hanesan ho ema seluk nia moris
“Ama tenke forsa nafatin hodi hasoru moris ne’e no husu maromak atu fo forsa no saude diak nafatin ba ama, sasan ne’ebé Agensia Zeus Travel apoiu mak hanesan fos mina Supermi no osan no nesesidade bazika seluk tan, inklui osan uitoan, fiar katak liu apoiu ne’e bele tulun ita nia Inan Faluk ne’e ba loron ida rua nian” Haktuir administrasaun Finance Agensia Zeus Travel
Atu fo hanoin fali katak, Inan Faluk Orlanda Da Cruz hanesan kbi’it laek ne’ebé hela iha barak oan ida ne’ebé fohuk hotu, iha tempu udan labele toba tanba udan tun habokon uma laran
Jornalista: Mateus F. de Deus
