Díli, 4 Dezembru 2025 – Ajénsia Zeus Travel ohin lansa pakote viajen ba nasaun Portugal, ho folin hahú hosi $3500 inklui ona otél ba kalan ida. Lansamentu ba pakote ne’e realiza iha sukursál foun ajénsia Zeus Travel iha Rua Karketu Mota-Ain, Suku Motael, Postu Administrativu Vera Cruz, Díli no hetan partisipasaun husi Diretór Ezekutivu Zeus Travel, Sr. Júlio da Costa Oliveira Pinto ho funsionáriu sira.
“Pakote promosaun ne’e válidu iha fulan Dezembru 2025. Ami hein katak bele fasilita konveniénsia viajen husi sidadaun sira ne’ebé hakarak hetan deskontu hodi apoia viajen durante époka feriadu nian”, haktuir Diretór Ezekutivu Zeus Travel iha loron-Kinta (04 Dezembru 2025).
Dokumentu sira ne’ebé presiza atu hodi rezerva billete sira maka:
1. Pasaporte Timor-Leste ne’ebé sei ativu.
2. Billete Identidade (BI) orijinál ne’ebé sei ativu.
3. Karta “Bom Comportamento” ho lian Portugues ne’ebé sei ativu no legaliza husi Ministériu Justisa.
4. Billete pakote promo ho folin $3,500 iha fulan Dezembru 2025.
5. Osan viajen iha bolsu minimu ho montante $1,500.
Rezervasaun ba billete ne’e loke ona dezde 04 Dezembru 2025, bele Kontaktu ba iha (+670) 74664827 / 74414104 | info@zeustravel.tl
