Baucau, 29 Marsu 2026 – Ajensia Zeus Travel hahu loke Sukursal iha Postu Administrativu Baucau Vila, Munisipiu Baucau, Suku Triloka, Aldeia Macadai hodi hakbesik ba komunidade liu-liu ba joven sira ne’ebé dezempregu hodi aproveita oportunidade, liu husi ajensia Zeus Travel atu fasilita joven sira ho pasaporte Timor-Leste no visa turista hodi ba servisu iha Portugal.
Jestor Sukursal Ajensia Zeus Travel Baucau, Rohane Ximenes hatete, ho razaun loke Sukursal Ajensia Zeus Travel iha Postu Administrativu Baucau Vila, Munisipiu Baucau, Suku Triloka, Aldeia Macadai ne’e hodi hakbesik ba komunidade no habadak sira viajen ne’ebé hakarak buka informasaun hodi tuir ajensia Zeus travel nian
Alende ba Joven sira ne’ebé dezempregu iha parte area Ponta Leste nian hanesan Munisipiu Vikeke, Lautem, Baucau Inklui mos Manatutu labele ba ona central Dili maibe agora iha ona Sukursal Baucau Triloka nian
“Ho razaun ida atu loke redi ou filial ba iha ajensia ne’ebé mak ita bolu katak ajensia zeus travel ne’ebé mak durante ne’e ita koñese deit koñesidu ho ninia edifisiu central mak iha kintal boot maibe liu husi biban ida ne’e ita nia diretor ema ne’ebé kontente nakonu ba iha ita nia responsavel maksimu ba ita nia ajensia Zeus Travel fo peluan fo mos buat barak mai ita fo dalan mai ita para atu loke habadak ita joven ne’ebé mak dezempregu iha Timor laran tomak, liu-liu ba iha parte Leste parte Buacau, Vikeke, Lospalos i au mesmo tempu mos Manatutu mos bele” dehan Jestor Rohane Ximenes iha Baucau Suku Triloka, Aldeia Macadai
Enkuantu, loke Sukursal Ajensia Zeus Travel iha Baucau Suku Triloka Aldeia Macadai ne’e hodi fo pasu ba joven dezempregu sira hodi halo mudansa ba sira moris liu husi Ajensia Zeus Travel ho visa turista ba Portugal nune’e bele hadia sira nia moris
Rohane garante Sukursal Ajensia Zeus Travel iha Baucau Triloka Kliente husi Munisipiu Baucau, Vikeke no Lautem halo resistu iha Sukursal Baucau tanba ne’e dever husi ekipa Ajensia Zeus Travel tomak ne’ebé 100% garante kliente iha
“Garante ou la garante konaba Zeus Travel iha ne’e ami garante 100%, ba saida deit mak akontese signifika sira nia kliente ba iha ajensia zeus travel siginifika ne’e dever ba iha ekipa tomak ne’ebé mak iha zeus travel nia liman” nia hakotu
Jornalista : Aniceto Da Silva
